22-24 тамызда Қазақстанда жаңбыр жауып, аптап ыстық болады
«Қазгидромет» РМК 22-24 тамызға арналған ауа райы болжамын жариялады, деп хабарлайды buginmedia.kz.
Алдағы күндері Қазақстанның басым бөлігінде жаңбыр жауып, найзағай ойнайды. Кей өңірлерде жаңбыр қатты жауып, бұршақ түсуі мүмкін.
Бұған солтүстік-батыс циклоны мен атмосфералық фронттардың әсері себеп болады.
Ал елдің батысында антициклон ықпалы сақталып, жауын-шашын болмайды. Бұл өңірлерде күндіз ауа температурасы 34-39 градусқа дейін көтеріліп, аптап ыстық болады.
«Қазгидромет» бұған дейін күз айларына арналған ауа райы болжамын да жариялаған.