"Ел өміріндегі маңызды оқиға": Тоқаев Құрылтай сайлауы туралы
Мемлекет басшысы Қасым-Жомарт Тоқаев Ақордада қоғам қайраткерлеріне мемлекеттік наградаларды табыстау рәсімінде Қазақстанның қазіргі таңда жан-жақты жаңғыру кезеңінен өтіп жатқанын мәлімдеді, деп хабарлайды buginmedia.kz.
– Ұлт тағдырын айқындайтын тарихи шешімдер қабылданды. Біз біртұтас қоғам болып жалпыұлттық референдум өткіздік, жаңа Конституциямызды қабылдадық. Азаматтарымыз жаңа Ата заңды бірауыздан қолдап, дауыс берді. Қазақта «Береке бастауы – бірлік» деген жақсы сөз бар. Біз ырысты ынтымағымызды сақтай білсек, еліміз де өсіп-өркендей береді. Көп ұзамай Қазақстан тарихында алғаш рет Құрылтай сайлауы өтеді. Бұл ел өміріндегі маңызды оқиға болмақ. Қазір науқан белсенді өтіп жатыр. Партиялар саяси мәдениеттің озық үлгісін көрсетуде. Алдымызда өте жауапты кезең тұр. Ұлт болып ұйысып, бір ел болып жұмыла еңбек етеміз деп сенемін, – деді Қасым-Жомарт Тоқаев.
Айта кетейік, Қазақстанда Құрылтай сайлауы 23 тамызда өтеді.