Бесіктегі сәби өлі табылды
Ресейдің Дағыстан Республикасындағы Хасавюрт қаласында балалар бесігінде белдік-таспалармен бекітілген баланың денесі табылды. Алдын ала мәлімет бойынша, бала механикалық асфиксиядан қайтыс болуы мүмкін6 деп хабарлайды buginmedia.kz.
Оқиға 9 тамызда Хасавюрт қаласындағы үйлердің бірінде болған. Бұл туралы Ресей Тергеу комитетінің Дағыстан бойынша тергеу басқармасы хабарлады.
Тергеу мәліметінше, бала бесікте қозғалыссыз жатқан күйде табылған. Оның денесі белдік-таспалармен бекітілген.
«Өлімнің алдын ала себебі ретінде механикалық асфиксия қарастырылып жатыр», – делінген ведомство хабарламасында.
Оқиға бойынша процессуалдық тексеру басталды. Тергеушілер оқиға орнын қарап, баланың денесін зерттеген.
Өлімнің нақты себебін анықтау үшін сот-медициналық сараптама тағайындалды. Қазір оқиғаның барлық мән-жайы анықталып жатыр.