Арман Дүйсеновтің ұлының өліміне кім кінәлі?
"Біз біргеміз Қазақстан" қорының жетекшісі Перизат Қайрат Арман Дүйсеновтің ұлының өліміне отандық бағдарламаны айыптады, деп хабарлайды buginmedia.kz.
Перизат Қайрат әлеуметтік желідегі парақшасында композитор Арман Дүйсеновтің 21 жастағы ұлының өліміне «Астарлы ақиқат» бағдарламасын кінәлады.
Айтуынша, телеарна ұжымы Арман Дүйсеновтің жеке өміріне қол сұққан.
"Арман мырзаның жеке өміріне қол сұғып, хайп қуып, тым жиіркенішті ақпарат дайындап, отбасының қарсылығына қарамастан үлкен экранға, ютубқа шығарды", - делінген жазбада.
Перизат Қайрат 21 жастағы Абылай әкесінің абыройымен алысып, өліп кеткенін айтты. Жазба соңында дәл осы бағдарлама салдарынан Жанар Хамитова да өзіне қол салғаны туралы да жазылған.
Еске салайық, 8-қазанда белгілі композитор Арман Дүйсеновтің тұңғыш ұлы қайтыс болды.