Маңғыстау облысында мұнай саласында миллиондап қаржы жымқырған: West Oil Software-тегі басшылық қызметтегі 3 адам ұсталды
Өткен жылы Маңғыстау облысының прокуратурасымен мұнай-газ кәсіпорындарында тексерулер жүргізілді, деп хабарлайды buginmedia.kz.
Тексеру нәтижелері бойынша «West Oil Software» ЖШС қызметінде материалдық қамтамасыз ету саласындағы бұзушылықтар анықталып, сотқа дейінгі тергеп-тексерулер басталды.
Тергеу аясында кәсіпорында негізгі басшылық қызметтерді атқарған 3 адам ұсталды.
Сотпен барлық тұлғалар кінәлі деп танылып, әртүрлі жаза түрлері тағайындалды.
Атап айтқанда, кәсіпорын басшыларының бірі бюджет қаражатын ұрлағаны үшін сот үкімімен кінәлі деп танылып, 3 жыл 2 айға бас бостандығынан айырылды.
Соттың қылмыстық істі мәні бойынша қаралу барысында сотталғандар 261 млн теңге көлемінде шығынды өтеген.