Баян Алагөзова Тоқаевтан алғыс хат алды
Қазақстандық продюсер Баян Алагөзова Республика күніне орай Қазақстан президенті Қасым-Жомарт Тоқаевтан алғыс хат алғанын айтты, деп хабарлайды buginmedia.kz.
Бұл туралы Алагөзова Instagram парақшасында бөлісіп, отандық мәдениет пен өнерді дамытуға қосқан үлесі үшін алған алғыс хаттың фотосын жариялады.
«Сіз телевизия, кино және музыка салаларында қоғам тарапынан жоғары баға алған ірі жобаларды жүзеге асырып, отандық мәдениет пен өнерді дамытуға елеулі үлес қостыңыз», – делінген алғыс хатта.
Президент продюсерге зор денсаулық, отбасына амандық және жұмысына табыс тіледі.