Ақмола облысында жеке ұшақ апатқа ұшырап, екі адам қаза тапты
Ақмола облысы аумағында ұшақ апатқа ұшырады, деп хабарлайды buginmedia.kz Көліктегі полиция департаментінің баспасөз қызметіне сілтеме жасап.
"UP-LA 229 жеке жеңіл ұшағының апаты фактісі бойынша Астана стансасындағы желілік полиция басқармасы Қылмыстық кодекстің 344-бабының 3-бөлігі бойынша сотқа дейінгі тергеуді бастады. Апат салдарынан екі адам, ұшқыш пен жолаушы қаза тапты", - делінген хабарламада.
Қазір апаттың себебі анықталып жатыр.
"Қылмыстық-процестік кодекстің 201-бабына сәйкес өзге ақпарат жария етуге жатпайды", - деді ведомство өкілдері.