Облыстық денсаулық сақтау басқармасы хабарлағандай, оқыс жағдай Павлодардағы Нұрмағамбетов көшесіндегі көпқабатты үйлердің бірінде болды. Жедел жәрдемді көшеден өтіп бара жатқан адам шақырған.
"Шақыру сағат 13.00-де түсті. Нұрмағамбетов көшесіндегі үйлердің бірінде әйел бесінші қабаттың терезесінен екі баланы лақтырып тастап, артынан өзі секіріп кетті. Оқиға орнына үш жедел жәрдем бригадасы жіберілді. Бригадалар 6 минутта жетті", - дейді ведомство.
Екі бала ауыр жағдайда облыстық балалар ауруханасына жеткізілді. Әйелдің де жағдайы ауыр, ол № 1 Павлодар қалалық ауруханасына жатқызылды.
