Дауыл, жаңбыр, 42 градус ыстық: демалыс күндеріне ауа райы болжамы жарияланды
"Қазгидромет" РМК 26-28 шілдеге ауа райы болжамын жариялады, деп хабарлайды buginmedia.kz.
Синоптиктердің болжамынша, алдағы күндері Қазақстан аумағындағы синоптикалық жағдайды циклон айқындайды. Онымен бірге өткінші бұлтты, ашық ауа райы, жаңбыр мен найзағай күтіледі. Солтүстік-батыста, солтүстікте және республиканың орталығында қатты жаңбыр, бұршақ және дауылды жел болжанады. Республика бойынша желдің күшеюі күтіледі, оңтүстікте – шаңды дауыл болуы мүмкін.
Ауа температурасының жалпы фонында айтарлықтай өзгерістер күтілмейді. Шығыста және оңтүстік-шығыста өте қатты аптап ыстық – 42°С дейін сақталады.