Қоластындағыларды "рогаткамен" атқан полиция бастығы қызметінен босатылды
Абай облысы Шар қалалық полиция бөлімінің бастығы желіде жарияланған видеодан кейін қызметінен босатылды, деп хабарлайды buginmedia.kz.
Оқиға Жарма ауданына қарасты Шар қаласында болған.
Оқиғаға қатысты облыстық Полиция департаменті түсініктеме берді.
«Полиция департаменті қызметтік тексеруді аяқтады. Тәртіптік комиссияның шешімі бойынша Жарма ауданына қарасты Шар қалалық полиция бөлімінің бастығы қызметтік этика нормаларын бұзғаны үшін атқарып отырған лауазымынан босатылды», – делінген облыстық Полиция департаментінің хабарламасында.