Қазақстанда бензин қымбаттайды – Энергетика министрі
Қазақстанда бензин алдымен 5 теңгеге қымбаттайды, деп хабарлайды buginmedia.kz.
Бұл туралы бүгін журналистерге брифинг өткізген Энергетика министрі Алмасадам Сәтқалиев мәлімдеді.
«Біздің болжам бойынша, бензин бағасы бірінші қымбаттағанда 5 теңгеге қымбаттайды. Қазір біз нарықты осыған дайындап жатырмыз. Ары қарай, бензин бағасы күрт қымбаттаған жағдайда, мәселені шешіп отырамыз», - деді Сәтқалиев.
Энергетика министрі бензин 5 теңгеге қымбаттаған кезде бағаны күрт өсірген жанар-жағармай бекеттерін монополияға қарсы агенттік тексеретінін айтты.